കേരളത്തില് റെക്കോര്ഡുകള് ഭേദിച്ച് മുന്നേറിയ സ്വര്ണവിലയില് ഇന്ന് നേരിയ കുറവ് 72,016 രൂപയാണ് ഇന്ന് ഒരു പവൻ സ്വർണത്തിന്റെ വില. പവന് 24 രൂപയുടെ കുറവാണ് ഇന്ന് സംഭവിച്ചത്. ഒരു ഗ്രാം സ്വർണത്തിന് മൂന്ന് രൂപ കുറഞ്ഞ് 9002 രൂപയായി. പണിക്കൂലിയും നികുതിയും കൂട്ടാതെയാണ് ഈ നിരക്ക്.
ബുധനാഴ്ച മുതലാണ് സ്വര്ണവില താഴാന് തുടങ്ങിയത്. ഈ മാസം 12നാണ് സ്വര്ണവില ആദ്യമായി 70,000 കടന്നത്. പത്തുദിവസത്തിനിടെ സ്വര്ണത്തിന് 4000ലധികം രൂപ വര്ധിച്ചിരുന്നു. ഇതിനുശേഷമാണ് സ്വർണത്തിന്റെ വില കുറയാൻ ആരംഭിച്ചത്.
സ്വര്ണത്തിന്റെ രാജ്യാന്തര വില, ഡോളറിനെതിരെ രൂപയുടെ വിനിമയനിരക്ക്, സ്വര്ണം ഇറക്കുമതി ചെയ്യുന്ന ബാങ്കുകളുടെ നിരക്ക് (bank rate), കസ്റ്റംസ് ഡ്യൂട്ടി എന്നിവയാണ് സ്വര്ണത്തിന്റെ വില നിര്ണയിക്കുന്നതിന്റെ അടിസ്ഥാന ഘടകങ്ങള്.
രാജ്യാന്തര തലത്തില് സാമ്പത്തിക രംഗത്ത് നിലനില്ക്കുന്ന അനിശ്ചിതത്വമാണ് സ്വര്ണ വിലയെ സ്വാധീനിച്ചത്. സുരക്ഷിത നിക്ഷേപം എന്ന നിലയില് കൂടുതല് പേര് സ്വര്ണത്തിലേക്കു തിരിയുന്നുണ്ടെന്ന് വിപണി വിദഗ്ധര് വിലയിരുത്തുന്നു.
