കൊല്ലം തേവലക്കരയിലെ സ്കൂളില് ഷോക്കേറ്റ് മരിച്ച മിഥുന്റെ സംസ്കാരം നാളെ നടക്കും. മൃതദേഹം രാവിലെ 10 മണിക്ക് സ്കൂളില് പൊതുദര്ശനത്തിന് വെക്കും. ശേഷം നാല് മണിയോടെയായിരിക്കും സംസ്കാരം നടക്കുക. മിഥുന്റെ അമ്മ നടപടിക്രമങ്ങള് പൂര്ത്തിയാക്കി നാളെ നാട്ടിലെത്തുമെന്നാണ് ലഭിക്കുന്ന വിവരങ്ങള്.
നിലവില് തുര്ക്കിയിലുള്ള സുജ തുര്ക്കി സമയം ഇന്ന് വൈകുന്നേരം ആറുമണിക്ക് കുവൈത്ത് എയര്വേസില് കുവൈത്തിലേക്ക് തിരിക്കുമെന്നും രാത്രി 9:30ന് കുവൈത്തില് എത്തിയതിനു ശേഷം 19ന് പുലര്ച്ചെ 01.15നുള്ള ഇന്ഡിഗോ വിമാനത്തില് പുറപ്പെട്ട് രാവിലെ 08.55ന് കൊച്ചി അന്താരാഷ്ട്ര വിമാനത്താവളത്തില് എത്തിച്ചേരും. നാളെ രണ്ട് മണിയോടെ വീട്ടില് എത്തുമെന്നാണ് കരുതുന്നതെന്ന് ബന്ധുക്കള് അറിയിച്ചു.
